महास्वंयम रोजगार पोर्टल नोंदणीकरण व फायदे

 

राज्यात सुशिक्षित मात्र बेरोजगार असलेले तरुण मोठ्या प्रमाणात आहेत. त्यांना रोजगार मिळत नाहीत, किंवा त्यांना रोजगार शोधण्यात अनंत अडचणींचा सामना करावा लागतो. या सर्व अडचणी लक्षात घेता राज्य सरकारने या ऑनलाइन पोर्टलच्या माध्यमातून महास्वंयम रोजगार नोंदणी पोर्टल (Mahaswayam Rojgar Registration Portal) सुरू केले असून याद्वारे राज्यातील तरुणांना रोजगाराच्या संधी उपलब्ध करुन देऊन त्यांना स्वावलंबी बनवण्यास मदत केली जाते.

महास्वंयम रोजगार पोर्टलवर रजिस्ट्रेशनसाठी लागणारी पात्रता आणि डॉक्युमेंट्स (कागदपत्रे)

- अर्जदार हा महाराष्ट्र राज्याचा नागरिक असावा.

अर्जदाराचे वय कमीत कमी १४ वर्ष पूर्ण असावे.
- आधार कार्ड
- शैक्षणिक पात्रतेसाठी गुणपत्रिका
- स्किल (कौशल्य) सेर्टिफिकेट (असल्यास)
- महाराष्ट्राचा रहिवासी दाखला (डोमासाईल)
- मोबाइल नंबर
- पासपोर्ट आकाराचा फोटो
- इत्यादि महत्वाचे डॉक्युमेंट्स महास्वयं रोजगार पोर्टलवर नोंदणी करण्याच्या वेळेस अर्जदाराकडे असणे आवश्यक आहे.

खालील घटकांसाठी महास्वंयम पोर्टलवर नोंदणी केली जाते -

१ - कमी कालावधीचे प्रशिक्षण - यांसाठी संबंधित संस्था आहे महाराष्ट्र राज्य स्किल डेव्हलपमेंट सोसायटी
२ - जास्त कालावधीचे परीक्षण - यासाठी संबंधित संस्था आहे व्यावसायिक शिक्षण आणि प्रशिक्षण संचालनालय.
३ - रोजगार मार्गदर्शन व चर्चा यासाठी संबंधित संस्था आहे कौशल्य विकास, रोजगार आणि उद्योजकता संचालनालय

४ - स्टार्ट अप आणि नाविण्यता - महाराष्ट्र स्टेट इनोव्हेशन सोसायटी
५ - कर्ज - अण्णासाहेब पाटील आर्थिक मागास विकास महामंडळ मर्यादित.

महाराष्ट्र महास्वंयम रोजगार पोर्टल ऑनलाईन नोंदणी प्रक्रिया -

राज्यातील इच्छुक लाभार्थी ज्यांना या Mahaswayam Portal स्वतःची नोंदणी खालील प्रक्रिया करावी लागेल
१- प्रथम अर्जदारास Maharashtra Mahaswayam Portal च्या अधिकृत संकेतस्थळावर जावे लागेल. अधिकृत वेबसाइटला भेट दिल्यानंतर पोर्टलचे मुख्यपृष्ठ आपल्यासमोर खुले होईल.
२ - या होम पेजवर तुम्हाला “रोजगार” हा पर्याय दिसेल. या पर्यायावर क्लिक करावे लागेल. रोजगार ऑप्शनवर क्लिक केल्यानंतर 'नोंदणी' हे पृष्ठ तुमच्यासमोर उघडेल. उमेदवार सरळ Rojgar Mahaswayam Registration लिंक वर क्लिक करून नोंदणी करू शकतो.
३ -येथे या पृष्ठावर उमेदवार त्यांचे कौशल्य / शिक्षण / जिल्हा प्रविष्ट करुन नोकरीच्या सूचीतून संबंधित नोकऱ्या शोधू शकतात.

४ - आपल्याला या पृष्ठावरील जॉब सीकर लॉगिन फॉर्ममध्ये "नोंदणी" हा पर्याय दिसेल, आपल्याला या पर्यायावर क्लिक करावे लागेल.
५ - 'नोंदणी' पर्यायावर क्लिक केल्यानंतर नोंदणी फॉर्म तुमच्यासमोर उघडेल. तुम्हाला या नोंदणी फॉर्ममध्ये विचारलेली सर्व माहिती भरावी लागेल.
६ - येथे अर्जदाराला आपल्या आधार कार्डवरील विवरणानुसार आवश्यक माहिती भरावी लागेल. सर्व माहिती भरल्यानंतर व शेवटी दिलेला कॅप्चा कोड भरल्यानंतर “नेक्स्ट” बटणावर क्लिक करा. आता पुढील पृष्ठावर दिसणार्‍या बॉक्समध्ये आपल्या मोबाईलवर पाठविलेला ओटीपी भरावा लागेल व ओटीपी भरल्यानंतर “कन्फर्म” बटणावर क्लिक करा.
७ - यानंतर new job seeker हे पृष्ठ आपल्यासमोर उघडेल, या पृष्ठावर आपल्याला वैयक्तिक तपशील, पात्रतेचा तपशील, संपर्क आदि माहिती प्रविष्ठ करावी.
८ - आपल्याला सर्व अनिवार्य तपशील प्रविष्ट करावेत आणि खाते तयार करा बटणावर क्लिक करावे लागेल.
९ - त्यानंतर नोंदणीकृत मोबाइल नंबर आणि ईमेल-आयडीवर एसएमएस / ईमेल पाठविला जाईल. त्यानंतर सबमिट बटणावर क्लिक करावे लागेल. अशा प्रकारे आपली नोंदणी पूर्ण होईल.

१० - नोंदणी पूर्ण झाल्यानंतर अर्जदाराला mahaswayam.in रजिस्टर आयडी व पासवर्ड मिळेल. त्यांतर या पोर्टलच्या माध्यमातून नोकरी शोधणारे rojgar.mahaswayam.in वर लॉगिन करू शकतात. Rojgar Mahaswayam नोंदणी व लॉगिन प्रक्रिया पूर्ण केल्यानंतर अर्जदार महास्वंयम वेब पोर्टलवरील यादीमधून योग्य नोकरी निवडू शकतो. अर्जदार नोंदणीवेळी दिलेला आयडी व पासवर्ड वापरून पुन्हा कधीही लॉगिन करू शकतो. यासाठी आयडी व पासवर्ड लक्षात ठेवणे गरजेचे आहे.

महाराष्ट्र महास्वंयम रोजगार पोर्टलवर ऑफलाईन नोंदणी कशी कराल -

ज्यांना ऑनलाईन अर्ज सादर करणे अडचणीचे असेल किंवा सुविधा नसतील तर ते ऑफलाईन सुद्धा अर्ज सादर करू शकतात. यासाठी खाली दिलेली प्रक्रिया पूर्ण करावी लागेल.
१ - जवळच्या एम्पलॉयमेंट एक्सचेंजला ( रोजगार माहिती कार्यालय) भेट द्या.
२ - रोजगार माहिती कार्यालयात महास्वंयम रोजगार साठी नोंदणीची प्रक्रिया जाणून घ्या.
३ विहित नमुन्यातील नोंदणी फॉर्ममधील सर्व तपशील व्यवस्थित भरा. नाव, पत्ता व शैक्षणिक पात्रता आदि माहिती अजूक भरा
४ - नोंदणी फॉर्मला सर्व आवश्यक कागदपत्रांच्या सत्यप्रती संलग्न करा. जसे आधार कार्ड, रहिवाशी दाखल, कौशल्य प्रमाणपत्र, शैक्षणिक गुणपत्रिका आदि कागदपत्रे जोडा.

५ - रोजगार माहिती कार्यालयात अर्ज सादर करण्यापूर्वी ओरिजनल डॉक्युमेंट दाखवावे लागेल.
६ - अर्ज सादर केल्यानंतर त्याची रिसीट घ्या.
आदि प्रक्रिया पूर्ण झाल्यानंतर तुमची रोजगार पोर्टलवर नोंदणी होईल.

  अधिक माहितीसाठी संपर्क साधा

 👉 विशाल मल्टीसर्विसेस व नोकरी मदत केंद्र

(आपल्या हक्काच ऑनलाइन सेंटर) 🚩🌱

मो नंबर - 8788149872/9511756569/7028270092

• 

  
  
  WhatsApp GroupJoin Now

  Telegram GroupJoin Now