प्रधानमंत्री पीक विमा योजना

 काय आहे प्रधानमंत्री पीक विमा योजना (PMFBY) अन् योजनेच्या कक्षेत कोणती शेती येते ?

प्रत्येक वर्षी नैसर्गिक आपत्तींमुळे भारतातील शेतकऱ्यांना मोठे आर्थिक नुकसान सहन करावे लागते. महापूर, चक्रीवादळे, गारपीट, अतिवृष्टी आदि नैसर्गिक आपत्तीमुळे पिकांची अपरिमीत हानी होते. अशा संकटातून शेतकऱ्यांना दिलासा देण्यासाठी केंद्र सरकारने प्रधानमंत्री पीक विमा योजना (पीएमएफबीवाय) सुरू केली आहे. १३ जानेवारी २०१६ रोजी या योजनेचा शुभारंभ करण्यात आला होता.

पंतप्रधान पीक विमा योजना ही सर्व शेतकऱ्यांसाठी ऐच्छिक योजना आहे. कर्जदार आणि बिगर कर्जदार शेतकरी त्यांच्या इच्छेनुसार यामध्ये सहभागी होऊ शकतात. शेतकऱ्यांनी खरीप हंगामातील पिकांच्या विमा संरक्षित रकमेच्या २ टक्के रक्कम भरावी लागणार आहे. नैसर्गिक आपत्ती, कीड आणि रोगांमुळे पिकांचे नुकसान झाल्यास शेतकऱ्यांना विमा संरक्षण देणे हा उद्देश आहे. पिकांचे नुकसान झाल्यास शेतकऱ्यांना आर्थिक मदत व्हावी यासाठी ही योजना सुरु करण्यात आली आहे. खरीपातील सर्व पिकांसाठी जोखीम स्तर ७० टक्के निश्चित करण्यात आला आहे.

PMFBY योजनेचे उद्देश्य -

• नैसर्गिक आपत्ती, कीड व रोगराईमुळे नुकसान झालेल्या पिकांना सरकारद्वारे निश्चित नियमानुसार शेतकऱ्यांना विमा कव्हर मिळेल व आर्थिक सहायता दिली जाईल.
• शेतकऱ्यांची शेतीतील अभिरुची कायम ठेवण्याबरोबरच त्यांना एक निश्चित उत्पन्न उपलब्ध करणे.
• शेतकऱ्यांना शेतीत आधुनिक प्रयोग व संशोधन करण्यासाठी प्रोत्साहित करणे.

PMFBY साठी कसा करणार अर्ज व कोठे मिळतात फॉर्म ?

प्रधानमंत्री पीक विमा योजना (PMFBY) साठी ऑफलाइन (बँकेत जाऊन) आणि दुसरे ऑनलाइन दोन्ही पद्धतीने अर्ज करू शकता. फॉर्म ऑनलाइन भरण्यासाठी तुम्हाला या लिंक वर क्लिक करावे लागेल. - http://pmfby.gov.in/
जर तुम्ही फॉर्म ऑफलाइन भरणार असाल तर जवळच्या बँक शाखेत जाऊन पीक विमा योजनेचा (PMFBY) फॉर्म भरु शकता.

PMFBY योजनेसाठी कोणत्या कागदपत्रांची आवश्यकता ?
- शेतकऱ्याचा एक फोटो
- शेतकऱ्याचे आयडी कार्ड (पॅन कार्ड, ड्रायव्हिंग लायसेंस, मतदान आयडी कार्ड, पासपोर्ट, आधार कार्ड)
- शेतकऱ्याच्या एड्रेस प्रूफ (ड्रायव्हिंग लायसेंस, मतदान कार्ड, पासपोर्ट, आधार कार्ड)
- जर शेत तुमच्या मालकीचे असेल तर सात-बारा उतारा/ खाता नंबर आदि पेपर सोबत ठेवा.
- शेतात पिकांची पेरणी झालेली आहे, याचा पुरावा सादर करावा लागेल.
- पिक पेरणीच्या पुराव्यासाठी शेतकरी तलाठी, सरपंच तथा ग्रामसेवकांचे पत्र सादर करू शकतो.
- जर शेत कसायला घेतले असेल तर व पीक पेरणी झाली असेल तर जमिनीच्या मालकासोबत केलेल्या कराराची फोटोकॉपी सोबत आणावी लागेल.
- त्यामध्ये शेतीचा सात-बारा उतारा / खसरा नंबर स्पष्ट लिहिलेला असावा.
- पीक नुकसानग्रस्त झाल्यास आर्थिक मदत थेट बँक खात्यात जमा होणार असल्याने अर्जासोबत बँकेचा रद्द केलेला चेक जोडावा लागेल.